|
| 嘩！！！ｎ年無打ｘｇ喇！！！(個n係咩自己計下啦, tips: n<1) 係呢個時候，點解會禁有雅致打ｘｇ架呢？！（睇落去咪知囉） 其實我係為左一個人而打架，所以你地鍾意睇就睇啦，最緊要妳有睇就得喇 （溫馨提示：下文內藏玄機） 廢話少講．立即進入正文部份 今日係二零零八年二月二十四日，即戊子年正月十八 宜：酬神 斋醮 納財 忌：蓋屋 栽種 作灶 亦係一個好重要既日子．．． 話說係一個月之前，即係二零零八年一月二十四日，即丁亥年十二月十七 宜：（仲黎？！） 天文台發出左有史以來最長既寒冷天氣警告 但係我都唔覺得好凍，因為有妳 (話唔凍就呃你既o者, 我住邊呀大佬= = 修辭黎既o者) 唔經唔覺就過左一個月喇．呢一個月真係過得好快，真係好快．．． 係短短一個月入面，我同妳都經歷左唔少事情 當中包含左我好多個「第一次」，第一次拍拖、第一次傾禁耐電話、第一次睇演唱會、 第一次坐上那架送妳回家的巴士、第一次過有情人的情人節．．．．．． （咁第一次拍拖實有好多第一次架啦＝ ＝） 發生左禁多第一次，點解background music唔用《第一次》呢 我諗妳一定知道原因喇 （唔知都唔緊要既，唔洗驚ＸＤ） 撫心自問，呢個月係唔係真係過得好開心呢？！ 坦白講，呢個月都有ｄ令我唔開心既事發生左架 但係同妳係埋一齊既時間真係好開心！！仲令我忘記果ｄ唔開心既事情 所以我要借機會係度同妳講返聲：多謝！！！ （高音版） 諗返起我地未開始之前既一ｄ經歷，真係好令人回味 同時亦都証明左我地係幾禁夾同幾禁有緣架 （唔知要講ｄ咩好添，檢討一下先） 回望過去的一個月，我知道我唔係做得幾好(咪就係囉, 成日唔聽人地電話...)９９分？！ 那麼滿分一定不是一百了～ 愛玩的表現：滿分係99分丫嘛XD <= 講完即刻比人打囉 我又不夠細心，細心對我來說是談何容易的事 我又不夠浪漫，不懂得製造氣氛，詠唱出動人的詩句 但我會繼續學習！（唔知邦有無同ｘ茹講呢，當晚令你「想死」真係唔好意思喇ＸＤ） 一個月快樂！！！！！！！！！！！！！ （難道男生真的不喜歡用標點符號的嗎！！？？） Ｉ ＬＯＶＥ ＹＯＵ 四嫂！！ ＰＳ：七友十個月！！ | | |
| 話禁快又到9月頭喇, 以前d老師或校長都會話 "9月頭意味著新學期既開始......" 好彩今年呢句話仲係對我仍然有效 回想起當年今日, (我既意思係開學之前既一日, 唔係9月2日) 例牌既活動都不外乎趕功課架喇, 幾乎年年既暑假功課都係堆係最後果幾日做 搞到最後果幾日趕餐死, 想好好訓返一覺準備第二日既開學禮都唔得 到左今年, 今年既暑假特別早放, 特別長, 經歷都特別多, 衝擊都特別多 值得記低既野當然會多d, 但係由於太懶既關係, 暫時只係寫到al放榜 都成2個月之前既事嚕, 所以今年既開學日前夕, 我雖然唔洗趕功課 但係我都要趕, 趕住補返之前所發生既事情, 我相信無咩人會一次過睇晒今次既內容, 所以請各位善用分隔線喇~ -------------------------------------------------Here We Go------------------------------------------------- 上回講到出show之前果一日, 我仲係病病地, 又發燒又喉嚨發炎咁既樣 采排完之後就返左屋企, 都應該係食藥, 練習, 同休息架喇 到左出show果日, 亦即係7月5日, 亦都係我地隊band成立一週年零一日既日子 一早起身返左去qc set野, 再采排, 朝早既狀態完全唔掂, 未訓醒+未病好 wing下wing下咁彈左好幾次, 淨係solo就唔知彈左幾多次嚕, 超驚solo炒粉囉 lunch食左半個OK牌pizza, 禁岩d藥力又好似有d料啵, 人又齊, 即刻衝出去拎起支結他黎料, 忽然間幾ok咁啵, 采排左好幾次都幾ok 練到禁上下, 開始收到call喇, call我落去比飛佢地入黎, 出面d人都開始入黎喇 咁只好閃返去後台喇, 我就落去比飛接佢地上黎喇, 係側門果度鼠左出去 好記得果時係落緊自自細雨架, (睇黎又關jackson事喇) 邦講左句野幾有趣, 明明佢係qc學生, 我只係舊生, 佢要入黎都仲要搵我保佢...XD ---------------------------------------------Sing Con 開Show--------------------------------------------- 話禁快就開場嚕, 一開波係前面坐左陣, 之後就去左後面同兄弟坐, 有精彩既, 亦有悶場既, 有好gag, 亦都有好....爛既爛gag.... hehehaha咁就到左中場休息喇, 拉左班兄弟上前面坐, 好近, 角度都算ok 繼續睇show, 明少同Lilian都有份參賽, 明少合唱, Lilian獨唱 佢地唱完之後就到左班際, 班際開始果時, 我地就鼠晒入後台嚕, 係後台一面以另類既角度睇班際, 一面拎起支結他練習 雖然淨係睇到背脊, 但係見到佢地禁團結, 都覺得好好feel 班際比賽都完成嚕, 當mc係出面間場之際, (原來Leo佢地係出面跳舞@@) 我就係後台主持左一個唔知算唔算簡單, 但係十分隆重good show儀式 講左一大堆野之後, 再叫多聲"Good Show!!!"之後我地就出左去就位嚕~ -----------------------------------------------Σ∫ΦμＮΔ----------------------------------------------- 係幕既後面彈左兩野, 再揮一揮手示意, 個幕就慢慢拉開喇, 見到台下好多人 wow~ 講左幾句野, 台下觀眾拍完手, 敲鼓棍既聲音就響起喇, 第一首歌~ 《二十世紀少年》 呢首歌係我地隊band第一首玩既歌, 亦都玩左好耐, 彈過好幾十次, 所以好有信心 話雖如此, 我都唔敢分心, 十分專注咁融入首歌入面, 但係又無理由唔理d觀眾架嘛 所以我都會"望"向台下既觀眾既, 不過一個人樣都睇唔到囉, 就好似無focus咁望喇 我淨係見到份譜係我眼底下浮現出黎, 就係咁, 我就可以望住觀眾對住份譜彈喇 有信心還有信心, 原來都會好緊張架.... 手震腳震就無喇, 但係超多手汗囉 真係多到可以滴出黎呀, 勾指果part差d比手汗影響到 (有手汗勾指會"線"手唔準), 搞到我要係一個bar既時間之內做出以下動作: 掃一下C> hold住> 摸摸pat pat (印汗) > 拎pick> 禁住個C 不過手汗都仲係係咁標, 掃chord都問題不大, 不過solo差d跌pick, 實在太"線"手了 還好成首歌都算係整整齊齊, 無咩mistakes, 都幾滿意 ^^ --------------------------------------------Summation Sound--------------------------------------------- 係開始下一首歌之前, 要執一執d位, 主要係明少打返鼓, 暉少彈返bass, Lilian彈keyboard 黎榮返後台, 本來諗住搞gag我同亨龍交換結他既, 不過都係無做到 執完位我又出黎講下d野, 介紹一下我地d member, 佢地又可以有時間set好d instrument (介紹亨龍果時, 佢玩又幾下震臂, 我覺得效果幾好 ) 終於要開始嚕, 下一首歌---《不再猶豫》 好可惜.... intro彈錯左一粒音... 彈錯果一下就覺得好orz, 硬係覺得人地聽得出我彈錯... 段intro同個鼓都唔係幾夾, 到左唱果時都ok既, high high地, high住入solo 用左個方法可以減少solo炒粉既機會, 都幾ok, 不過d手汗真係太多喇XD solo完左之後真係不得了喇,solo入唔到, 搞到8個bar無唱到, 8個bar係度眼望望... 之後第9個bar入返, 繼續唱落去, 但係唱唱下又無個鼓聲啵.... 最後果度又唱錯= = 一個字---"亂", 收尾有d亂黎, 掃左唔知幾多個G就完左嚕 米奇行動失敗, 台下太暗嚕, 飛pick都執唔到啦, 我地仲要壓軸, 隨時飛完散場執得返XD -----------------------------------------------Show over----------------------------------------------- 之後就到頒獎嚕, 恭喜明少拎季軍, 更加恭喜Lilian拎冠軍, 由此証明我無揀錯人架!!~ 就係咁, 明少就同時做左 Banner製作者+MC+參賽者+表演者+得獎者喇~ ------------------------------------------------《後記》------------------------------------------------ 事後明少同我講返, 出《二十》果時, 佢亂到爆炸, 唔知彈咩, 最終係亂彈架-口- 睇返片, 《不再》個intro真係彈錯左一個音架 睇返片, 《不再》solo之後果8個無人唱既bar係有觀眾打緊拍子架 睇返片, 《不再》無左鼓聲原來係明少跌左鼓棍架 睇返片, keyboard係唔夠聲架 睇返片, 我地既姿勢係有需要改善架 睇返片, 原來我支咪係無咩聲架 睇返片?! 原來我係無片係手架..... -------------------------------------------------預告篇------------------------------------------------- 預告篇其實就係=欠交部分喇 -口- 可譽show, 荒淫camp, 可譽死亡行軍@南丫島, 勝利十一人之再戰長洲, 8月忙到爆, 興趣與前途, 未來大計, ISO, -----------------------------------------------More to Know----------------------------------------------- 又到左More to Know既時間喇 今次又介紹一下個background music先 大家都應該覺得好耳熟, 無錯, 呢一首就係...... 我心愛既Mr. Big既《To Be With You》 喇~ 我都幾鍾意呢首歌, 本來我都唔識呢首歌既 係我第一個結他恩師---阿細介紹既, 佢本來話會教我彈架 但係中途轉左阿sir之後就無嚕, 不過今時今日我已經學識左喇!!!! -------------------------------------------------《待續》-------------------------------------------------- | | |
| 嘩!!!! 好耐無寫野嚕~.~ (呢一句好似次次都有打咁既= =) 發生左好多事, gra din收到相先再一次過講 -----------------------------------------------放榜前----------------------------------------------- 放榜前夕去左玩, 訓左5個鐘之後一早起身去左荔景打波, 之後去左kf新都會食飯, 我屋企有飯食, 吹左陣水之後就返左去食飯 食完飯之後去左夾band, 好多人都有黎到, 都係玩"二十"同"不再"準備出show 夾完band就去左tw打邊爐, 光輝裝修, 去左隔離既紫荊打, 幾貴下, 補多十蚊八蚊可以去長發 大至ok, 最大問題無任飲, 不過啤酒仲平過汽水XD 打左80蚊 邊爐完之後去左英皇新開既機舖打機, 主要都係打GGXX, 比阿卜炒= = (要好好練習joystick, 宜家我可以用keyboard打爆機, 唔洗con喇XD) 打到禁上下之後, 就落左去neway等位, 等到成點幾鐘先有位, 其間見到好多識既人 放榜前夕真係多人去唱通k喇~~ 唱啊唱啊唱~~ 唱到葉暉收工, 佢又話黎 打左比我, 我話佢知我地係邊, 原來我地就係6樓既66號房... 666......真係一個好邪既數字 不過好彩, 佢黎到之後無幾耐, 就轉左間1號房比我地嚕 我地有8個人, 包括我,邦,東,叮噹,葉暉,亨龍,卜,henry 前半既時間呢八個人呢, 有d就唱歌啦當然, 有d就玩大話骰, 有d就打nds,psp咁啦 去到後半喇, 有d人就繼續唱歌啦, 有d人就繼續大話骰, 仲有d人就zzzzz喇, 哈哈哈 唱完之後, 返屋企沖個涼, 食埋早餐就返學嚕~~ E31好好訓~~~ -----------------------------------------------放榜嚕----------------------------------------------- 返到去都係講下d資料, 之後就返成績喇, 5條E仔.... 傾計傾左兩三個鐘, 之後陪Tiger去東薈城, 諗住去食飯既, 但係最後都係返左青衣城食, 我就屋企有飯食, 食完飯之後就失去知覺嚕.... 到左夜晚, 出左黎gathering, 傾到好夜, 成點幾兩點先閃人 -----------------------------------------------放榜後-----------------------------------------------第二日一早起身, 去樹仁排隊, 去到果時岩岩好8點正, 但係都排第487個 拎左當日既下午籌, lunch去左果度canteen食, 平就ok平, $20左右, 但係味道麻麻.... lunch之後去左排隊報名, 由於好早就排隊既關係, 下午開波無幾耐就完成報名程序, 11號就有得interview喇, 不過走果時超超超大雨, 返到青衣之後就上左東屋企打機 打到禁上下, 佢阿媽拎左一盒蛋撻上黎, 禁岩果日我講過返到青衣想食蛋撻既XD 食左兩個撻, 食完之後就"賴"撻喇, 咳左幾聲, 有少少wing 7點半就閃走左, 趕住返屋企睇煙花, 無錯!!!! 係屋企睇煙花!!!!! 藍巴勒海峽放煙花, 安坐家中就可以有得睇嚕~~ 係屋企睇live真係唔同d架!!!~ 好好feel~ 不過無咩風, 搞到d煙唔散, 但係都好好睇, 有聲有畫XD 睇完之後就食dinner, 食完沖涼, 然後即刻上床zzzzzz 第二朝起身宣佈病左......發燒......... 但係唔可以去睇醫生住, 因為要jupas轉choice 訓左陣之後, 覺得好返d之後就爬起身改喇, 好快就改完嚕~~ 5點半去睇急症, 等左兩個半鐘之後就開左d藥係我屋企有好多既= = 之後果一朝早再拎藥, 都係屋企有既= = 食左之後由38.4度變37.1度 再食>37.5 繼續食>38.1 keep住食>39...... 仲高過病發第一日, 果時都係38.7o者..... 最後都係決定去睇私家醫生, 記得果日係葉暉生日, o者係7月3日喇 食左藥之後, 好左好多, 退左d燒咁啦 7月4日, 阿哥生日, 阿媽舊曆生日, 返左qc采排, 果朝又發返燒, 不過下午無事嚕 采排得幾好, 勝左有塊靚既effect, solo改左少少, 不過葉暉同亨龍返工, 無去到采排..... 出show出成點!?!? 先賣個關子, 下次再打落去XD | | |
| 好耐無寫野嚕, 睇左相先  
無錯!!! 佢地就係mickey喇!!! 為左sing con個show既米奇行動, 特登係6月6日將佢地四個由青衣城 Tom Lee Music果度帶返黎 仲要影埋相添!!!! 後面d金字好靚啊!!!! 仲有其他款架, 得閒身痕就買埋返黎先XD 宜家最驚既就係會彈甩色, 所以唔到出show果時都係唔好用佢喇 但係又會影響熟練度啵.... 辦法緊有既!! 仲有時間可以慢慢諗 不過買多set返黎都ok既, 起碼可以練下飛pick丫嘛 呢幾日, 可以我太忙既關係, 所以無咩點係度寫野(直頭係無添啦) 就連陪Jackson既時間都無, 唔知係唔係因為咁既緣故, Jackson發皮四又扭計, 唔比我帶佢見明少, 於是係星期五朝早整一場狂風大雨 但係我果時又唔醒水啵, 都係無搵過佢, 搞到佢係我岩岩踏入18歲半既夜晚 (即係10號凌晨果時) 又整返一場high好多既狂風暴風+雷電交加, 我又無閂窗啵, 搞到我要3點幾起身閂返, d雨打窗既聲音又嘈啵, 搞到我無教好訓.... 我仲要一早8點幾起身..... 成日都wing下wing下, 體力又唔夠.... 最後, 我食完dinner就去左搵Jackson喇, 估唔到無見一排, d線就form左好多oxide喇 彈到我d手指都啡啡地, 不過好彩彈彈下就無咩料到, 可能係我"hi"晒掛 更好彩既就係無咩點退步到, 出show唔出醜萬歲!!!!!! 最後, 介紹返首background music先, 呢首歌叫做"I am the wind" 如果大家有玩惡魔城X月下夜想曲, 同埋爆到機既話, 就會聽過呢首歌 爆機出staff list果時正正就係播呢一首歌架喇~ | | |
| 唔經唔覺, 已經考完試成個月喇~ 仲有半個月就gra din, 一個月就放榜, 五個星期就出show, 兩個月左右放jupas.... 時間真係過得好快, 然而, 我就頹廢左成個月, 等我講下我既隱青歲月啦~~ 打機篇 岩岩考完試果幾日, 都係不停地玩!!! 日日打機已經成為家常便飯既事。 果時真係打得好癲, RBO練到法師好勁, 輕易爆機, 之後又開始練其他職業 又特登更新返TRO, 可惜宜家已經無咩人玩test喇, 可能係得1倍exp掛 仲裝返swat4黎玩, 慢慢記得返晒d地圖, 搵得返d技術, 除此之外, 又有上叮噹屋企打seed, 又有同其他人玩nds 近排出左應援團2, 煲左兩三日就去到華麗, 但係卡左版無咩點玩 又出左隻nfl, 一開始完全唔識佢d setting, 用明星隊都會比魚腩隊大炒 到宜家玩到開始上手喇~ 無啦啦想打返kof2002, 搵返黎再打返, 慢慢記得返晒d連招, 宜家用keyboard打level 8都可以爆到機, 不過joystick就未練過 就係咁, 呢個月就玩左好多隻game嚕... <打機篇完> 音樂篇 雖然唔記得對上果次夾band係幾時, 但係可以知道既就係好耐無夾過喇 我諗都至少都有四五個月啦, 係我考完之後, 佢都未考完果時, 我已經開始拎返起枝結他練喇 即刻去買過pack線, 順手幫jackson(我所用之結他)清一清塵~ 考完試之後, 5月5日星期六終於有機會夾喇, 仲記得之前果晚收音機播緊"二十" 果日玩左即興, 幾好玩, 效果唔錯, 成隊band都係好似成長左, 真係開心 順帶一提, 我地隊band改左名, 叫做 Σ∫ΦμＮΔ, 讀作"summation sound", 意思係將聲音加起來 呢個名係係青衣圖書館既自修室度諗出黎既, 果時計計下pure maths, 無咩mood 於是就係度諗喇, 諗完個名就畫埋個 logo, 就是這樣子了 其後, 收到消息, 我地可以係皇舊sing con決賽果日返去出show, 用左一兩日時間決定出"不再猶豫", 之後就喪聽喪練 5月18星期五去左夾一夾, 問題都幾多, 不過都唔難解決, 對出show都有信心既 但係個keyboard譜都未搞好, 幾麻煩, 希望盡快ko啦 5月26星期六夜晚同基基果d夾左兩個幾鐘, 玩左好多歌, 玩得好high, "歲月無聲"幾好玩 5月28星期一出左荃灣同子龍開會, 開完之後講左好多音樂既野, 學左好多野 又去左tomlee度逛, 佢講左好多我唔知既野, 仲見到隻好平好抵買既amp添, 有d心郁 總括一下我既未來大計先, 7月5日皇舊sing con 出show, 最新消息係出兩首, 到時會有米奇行動 (簡單來說就係飛mickey pick, 玩得high就飛多幾塊, 真係好靚架) 各位皇舊朋友, 得閒就黎撐場啦, 要買飛就同我講聲啦, $2一張飛, 又有show睇, 又有明少同lilian出賽, 仲有機會得到mickey既pick喎, 抵去啦!!! 可譽方面, 暫時知道係夾五月天既歌, 會出3+1或2+1場show 前面個3或者係個2字係解同一個show分級咁搞, 所以會重複出2或3場 後面個1係解學期尾既綜合表演, 最好就可以出多幾首歌啦^^ 另一方面, 一名神秘男子包起左我地隊band, 要幫佢錄Z首歌 (都係唔好講太多) 所以我都應該會好唔得閒架喇, 要成日練練練!!!! 要出show唔出醜!!!!! ps: 我所用既結他, 名為jackson, 每當我以某種心情坐係窗彈佢既時候, 個天都落雨行雷..... 真係好神奇, 唔通佢真係可以呼風喚雨?!?! post埋d相先 
jackson岩岩換完線同清左塵, 仲噴埋WD-40既情況 
聽完子龍係tomlee既說話, 今日就去左拆開jackson後面d蓋黎睇睇 
呢組彈簧係同震臂有關既, 個k大既話, 就要大力d去push震臂喇 
呢個都唔難理解, 左下係波棍, 右面圓型係tone, 上面圓型係volume(比d線遮左), d線駁pick up <音樂篇完> 補返幾句野比d fd先 5月4日 Cherry 生日快樂!!~ 5月15日 Apple 生日快樂!!~ 5月21日 Tiger 生日快樂!!~ 5月24日 七友七個月!!~ | | |
|
return getUser();